🔴#الناظور_زغوان : عرس تحول الى صدمة بسبب فرقة أ الصغير وخ التليلي 🔴

فرحة عمر، اللي كانت باش تكون أجمل ليلة في حياته، تحوّلت لصدمة مدوية بالضبط في الضربانية – الناظور زغوان.
العريس ماضي عقد رسمي مع فرقة الفنون الشعبية متاع الشاب أالصغير وخ التليلي، باش ينشطوا حفل عرسه يوم السبت 5 جويلية 2025، على التاسعة متاع الليل.

كل شيء كان محضّر مضبوط، وكل التفاصيل محسوبة بدقة… أما المفاجأة الفرقة ما حضرتش لا من قريب ولا من بعيد، وما أعطوش حتى عذر ولا حتى اتصال.

العريس في حالة صدمة، الناس تصدمت أكثر، العائلة والأحباب كانوا في حالة صدمة كبيرة.
العدل المنفذ حضر وعاين الغياب، وحرّر محضر رسمي يوثق الغدر هذا.

هل هذا استهتار تحيّل مقصود ولا شنوّة
فنانون ماضين على عقد رسمي وتهربوا من واجبهم في ليلة العمر؟ هذا مش مجرد خطأ، هذا خدش في كرامة الناس واستهزاء بالمشاعر.

اللي صار فضيحة كبيرة، ولازم الكل يتحمّل مسؤوليته قانونياً واجتماعياً.